Executive日記——一田購物優惠日11.25開賣 逾萬件筍貨一折起發售

  今年慳咗外遊開支,Kelly嘅shopping實力大增,適逢半年一度嘅一田購物優惠日,啱晒Kelly同一班好朋友掃貨。由下周三起至十二月一日一連七日,一田十二間分店同步推出逾萬件筍貨,睇到啲減價,真係有驚喜,今次真係要快啲行動。

  一田十二間分店,包括沙田、大埔、荃灣、旺角、新蒲崗、觀塘、將軍澳、葵芳、屯門、元朗、西環同北角,另增設十個特別展場,包括HomeSquare、荃灣廣場、MOKO、Mikiki、apm、東港城、新都會廣場、V city、形點及北角匯,一共帶來逾萬件筍貨驚喜價發售。今次瘋狂勁減,適逢一田三十周年,一田特別加推「三重周年折慶驚喜」主題,等大家一起分享三十周年生日狂賞。

逆市增聘逾800兼職員工

  因疫情反覆,為咗保障顧客可以安心購物,一田購物優惠日亦再度加開至七日,超市特別延長減價優惠至兩周(至十二月八日),開賣首日的入場時間亦會延至下午兩時,以疏導人流。為咗應付一連七日的「一田購物優惠日」,一田好有心,喺逆市聘請逾八百名兼職員工處理優惠日嘅日常運作,製造多個短期就業機會。疫情下超市食品及家居用品需求上升,一田預料超市生意額將錄得一成至一成半嘅升幅,整體營業額按年升一成。

Kelly Chu


hd