Executive日記——迪士尼慶15周年 抽獎送門票住宿

        香港迪士尼樂園今年踏入十五周年喇,樂園就趁住呢個日子,舉辦「Fun享奇妙夢想」全民大抽獎,向港人送出一萬五千張門票同一百五十份酒店住宿。有興趣嘅市民,今日開始就可以到活動網站登記參加。同時樂園闊別近三年嘅全新城堡「奇妙夢想城堡」,都會喺今日正式開幕,一定會成為樂園新地標,Kelly屆時都會買票入園睇吓。

        呢個港人專享全民大抽獎,由今日到十一月三十日一連十日舉行,市民只要持有香港居民身份證就符合參加資格,不過十一歲以下嘅參加者,就要持有香港出世紙同本地學校發出嘅學生手冊等文件。

  合資格港人只要透過活動網頁報名參加,就有機會獲得樂園一日標準電子門票一張,或者迪士尼探索家度假酒店標準客房住宿一晚,喺十二月十四日至明年三月十四日嘅大部份時間都可以使用。樂園會十二月九日,會喺活動網頁內公佈得獎名單。

   

  同時「奇妙夢想城堡」就根據灰姑娘、白雪公主等十三個迪士尼經典故事完成擴建工程,裏面每座城塔同尖頂都融入各自故事特色,象徵勇氣、希望同埋無限可能,鼓勵入園遊客追尋夢想。

Kelly Chu


hd