Executive日記——用「安心出行」 信和獎你優惠券

  為支持市民下載並使用「安心出行」流動應用程式,信和集團旗下主要商場包括荃新天地、奧海城、屯門市廣場特意推出「安心出行獎賞活動」,市民只需喺商場內下載「安心出行」app,掃瞄二維碼進行日程記錄,即可得到商場購物或餐飲現金券,價值$20!Kelly希望各位市民積極響應,一同守護香港!

  信和集團表示,歡迎政府推出感染風險通知「安心出行」流動應用程式(LeaveHomeSafe app),將喺旗下一百六十九項物業嘅當眼位置張貼場所二維碼,方便市民準確記錄行程。有關程式可鼓勵市民記錄進出不同場所嘅日期同時間,以減低新型冠狀病毒病進一步擴散嘅風險。

  信和集團副主席黃永光表示:「新冠疫情自年初爆發以來,對香港各行各業帶來影響深遠,於經濟方面嘅影響尤為顯著。因此,有效嘅疫情防控措施對香港嘅經濟復甦同就業環境至關重要。作為社區一份子,信和集團致力透過支持此項措拖,支援抗疫。」

  為咗保障客戶同租戶健康,集團自疫情爆發以來,已於旗下各物業加強預防措施,確保前線員工免受感染,同時為顧客提供安全潔淨嘅購物環境。

Kelly Chu


hd