Executive日記——新世界機場航天城包羅食買玩 11 SKIES享受室內賽車新體驗

  新世界發展昨天宣佈,旗下位於香港國際機場航天城項目,正式命名為「11 SKIES」。呢個一站式零售飲食娛樂商業區,將設有全港最大嘅室內娛樂區。「11 SKIES」亦設有三幢甲級寫字樓,已成功吸引財富管理及醫養業界優質租戶,勢將成為全港最全面嘅一站式娛樂、金融及醫養核心區。

  「11 SKIES」總樓面面積達三百八十萬平方呎,其中雲集超過八百家店舖,涵蓋逾一百二十種餐飲概念,規模冠絕香港。「11 SKIES」亦擁有全港最大型嘅室內娛樂空間,以學習、探索、歷奇為主題,提供一連串VR及AR互動遊樂設施,並引入首度進駐大中華區嘅KidZania兒童體驗樂園,以及全球最長室內外多層小型賽車跑道SkyTrack。

  「11 SKIES」預計於二○二二至二五年期間分階段落成,同香港國際機場擴建後嘅二號客運大樓無縫連接,落成後勢將成為港人、遊客以至整個大灣區人口必到嘅嶄新地標。Kelly都好期待,感受零售娛樂新體驗!

Kelly Chu


hd