Executive日記——李小龍特別版郵票 多角度展現巨星風采

  著名巨星李小龍即使離世逾四十七載,但其驕人嘅成就青史留名。適逢十一月二十七日(星期五)就係佢誕辰八十周年,香港郵政同日會發行以「李小龍——武藝傳承」為題嘅特別郵票及相關集郵品,讓市民一起緬懷呢位巨星嘅風采。

  今次發行一套六枚郵票及兩款郵票小型張,特地以李小龍四部矚目嘅電影——《唐山大兄》、《精武門》、《猛龍過江》和《死亡遊戲》,同埋「截拳道」作為設計靈感,多角度呈現呢位功夫巨星嘅面貌,十分特別。而小妹最鍾意嘅,係今次一同發行、設計別具心思嘅紀念套摺,外盒造型取材自電影場記板,懷舊感十足,入面包含了一本色彩奪目的郵票冊、一套六張極限明信片和一本設計精美的筆記簿,收藏價值甚高。

  李小龍會會長黃耀強對小妹說,喜歡和崇拜李小龍嘅粉絲們,一定會購入呢款郵票。佢仲話,好彩呢款郵票嘅預訂期長達一年,加上數量充足,相信可以滿足粉絲買嚟收藏。

Kelly Chu


hd