Executive日記——明專研AI粵語足球評述員

  AI(人工智能)應用層面廣泛,Kelly就得知,明愛專上學院o依家研究緊自動粵語足球評述系統,大家以後睇波,有機會聽到AI旁述員用粵語生動演繹喇。

  參與研究嘅電子計算及信息科學院研究教授蕭允治話,足球受普羅大眾歡迎,團隊特意選做研究對象,又話研究涉及多方面知識,如運用到深度學習及圖像處理等技術,以識別球員嘅語言動作,同時追蹤足球動向,再轉化為評述。人文及語言學院院長陳善偉就話,學術界一直缺乏自動評述系統嘅語文研究,所以基本上佢哋係「由零開始」,期望可以幫AI注入個人風格,例如口頭襌等。

  團隊指項目依家仲係研究初期,評述比較生硬,同真人有段距離,可能要再研究三年,AI評述先可以貼近真人。

Kelly Chu


hd