Executive日記——加埋月中「雙子座流星雨」咪錯過呀 12‧21「木星合土星」400年來最接近

  天文愛好者十二月有眼福喇!因為香港將會出現兩個特別嘅天文現象:「雙子座流星雨」同「木星合土星」。Kelly得知,所謂「木星合土星」就係指木星和土星運行到黃經相同嘅位置,導致肉眼分唔清兩顆星,呢個現象平均要每二十年先出現一次,今年仲係四百年嚟最近嘅一次;「雙子座流星雨」就係今年觀測條件最理想嘅流星雨之一。

  喺十二月二十一日,木星同土星會運行到黃經相同嘅位置,導致視覺上非常靠近,只相隔約六角分,即大概五分之一個月球大小,到時市民未必可以用肉眼分辨到呢兩顆星。今次「木星合土星」係近四百年嚟最近一次,當晚市民只要喺下午六點至晚上七點半,喺西南偏西方向視野廣闊嘅地方,就可觀賞呢個奇觀。

        睇「雙子座流星雨」最佳時間就係十二月十四日凌晨約兩到三點。太空館館長李為君話如果天氣良好,市民喺視野廣闊同較暗嘅郊區,有機會每個鐘睇到二十到三十顆流星。

Kelly Chu


hd