Executive日記——象徵勇氣與無限可能 迪士尼城堡滿載追夢故事

  香港迪士尼樂園今年迎接十五周年紀念,同時「奇妙夢想城堡」擴建工程歷時四年,最近亦竣工。項目設計團隊成員之一嘅Katrina就親自講解創作理念,話全新嘅城堡創作靈感嚟自多位迪士尼公主同女王嘅追夢故事,城堡上每座塔樓、尖頂都擁有獨特顏色、標誌圖案同紋理裝飾,象徵勇氣、希望,仲有無限可能,Kelly都認同佢所講,城堡會成為香港迪士尼嘅全新地標!

  Katrina同Kelly介紹話,賓客走入全新嘅「奇妙夢想城堡」,係充滿皇室華麗風格嘅「皇室禮賓庭」,可以同最鍾意嘅迪士尼公主、女王見面,同時欣賞到精緻考究嘅雕刻同掛氈。另外,城堡仲首次開設咗一間「城堡珠寶店」,任命著名珠寶品牌周大福嘅巧手工匠為「皇室御用珠寶工匠」,為呢片奇妙國度鑄煉各式各樣嘅珍藏紀念品。

  Katrina又話,「奇妙夢想城堡」係迪士尼目前為止最大規模嘅改造項目,而喺城堡華麗變身期間,賓客都喺遠處見證城堡每天嘅變化,O依家大家終於可以親身踏入呢座樂園地標,欣賞佢背後嘅奇妙魔法,希望市民唔好錯過!

Kelly Chu


hd