Executive日記——林鄭指李家超鄧炳強「個心好軟」

  特首林鄭月娥之前宣讀《施政報告》時,就講過會酌情處理十八歲以下嘅被捕人士,佢昨日出席一個電視節目就透露,保安局局長李家超同警務處處長鄧炳強「其實個心好軟」,選擇酌情處理,係因為佢哋關心學生。

          對於十八歲以下有悔意而且唔涉及嚴重罪行的被捕人士,警方願意視乎情況,考慮採取警司警誡,或簽保守行為等嘅方式處理。林鄭昨日就透露,好多中小學生過去因為參加社會運動被捕,其中十幾名十八歲以下嘅年輕人已用警司警誡代替留案底,同時有二百幾人沒被警方起訴,形容呢個政策已獲得鄧炳強同李家超同意,強調佢哋兩個好關心學生:「無論保安局局長定警務處處長,你以為佢哋係好硬朗嘅大男人,其實個心好軟。」

Kelly Chu


hd