Executive日記——藝術家繪畫面容下半部 戴 「真面目」 口罩日日靚靚見人

  日日戴口罩,Kelly突然間發現,冇望朋友嘅面容好耐,現在就有解救,巴西一名藝術家想出喺口罩上繪畫佩戴者嘅面容下半部,等大家可以用「真面目」示人,真係有心兼充滿正能量。

  呢位藝術家叫Jorce Roriz,佢依照朋友嘅相片,用畫筆喺白色口罩上細心畫,就將下巴畫出嚟,戴上面,初初睇個鼻好似平咗啲,但睇耐咗就唔覺。Jorce Roriz話,疫情發生後,戴口罩成為新常態,由於無法以真面目示人,好似失去咗個人身份咁,激發佢創作嘅意念,喺素色嘅口罩上還原佩戴者嘅容貌,等大家尋回自己,也讓親友相見時認得出。

  佢仲話,好多人見到呢種人性化嘅口罩,都笑了起來,重拾正能量咁話。照Kelly計,我會搵Jorce Roriz畫番塊臉出嚟,仲要展現開心笑容,或者整多幾個化靚妝嘅重用口罩,咁就可以日日靚樣見親友啦。

Kelly Chu


hd