Executive日記——展出珍貴物品紀念逝世25周年 中環站重現鄧麗君風采

  「有中國人的地方,就有鄧麗君的歌聲」,係兩岸三地萬千歌迷對呢位「一代歌后」嘅讚頌,想一睹鄧麗君嘅昔日風釆,去港鐵中環站啦。「香港鄧麗君歌迷會」喺站內主辦「夢縈魂牽鄧麗君」回憶展,首次展示鄧麗君生前多件珍貴嘅物品,以紀念這位傳奇歌星逝世二十五周年。



  大家行經港鐵中環站,去J出入口兜個圈啦,果度嘅「港鐵‧藝術」展廊由即日起至呢個月三十一日,展出約一百件與鄧麗君有關嘅珍貴物品,包括照片、唱片封套、港鐵紀念車票、鄧麗君微型雕像同佢故居模型,仲有鄧麗君向歌迷會送贈嘅衣服及飾物。

        歌迷會會長張艷玲希望參觀者可以從展品中感受同了解鄧麗君喺六十至九十年代嘅輝煌時刻。港鐵公司事務總監蔡少綿話:「我哋有幸喺港鐵站內舉辦歌星鄧麗君嘅回憶展。佢清澈甜美嘅聲音同精采嘅歌唱表演,令無數人為之着迷。呢次展覽能夠讓其歌迷同大眾近距離接觸這些陪伴鄧麗君歌唱生涯嘅珍貴物品,從中感受到她永恆的藝術與風采。」

Kelly Chu


hd