Executive日記——周六「頭條開live」 細說皇都建築美學

  「頭條開live」緊貼城市話題,好似皇都戲院嘅保育大計,已經推出三次live,同大家分享名人兒時嘅回憶、名導演嘅美學觀感同樂評人講述音樂會嘅歷史,嚟緊第四集喺本周六登場,講皇都嘅建築同保育,Kelly同大家一齊吸收建築美學嘅知識。

  北角地標性建築物皇都戲院,前身係一九五二年落成嘅璇宮戲院,及後發展成住宅同商用建築物並改名為皇都戲院,除咗係睇電影嘅好去處,亦因為有逾千座位,成為國際級音樂會同海外歌劇團嘅表演場地。至今歷經逾半世紀,戲院喺三年前被評為歷史建築。新一集「尋覓皇都——建築與社區情」,建築文物保護師吳韻怡將細說皇都戲院嘅浮雕、屋頂飛拱及室內一樑一柱;另一位嘉賓香港話劇團桂冠導演毛俊輝,與嘉賓主持活現香港創辦人陳智遠,齊齊為大家細說皇都戲院嘅歷史意義!精采嘅內容,密切留意開Live時間:本周六12月5日下午3時,聯播的facebook包括:頭條日報、Headlife、Smart Parents親子王、POP新聞、東周刊eastweek.com.hk!

Kelly Chu


hd