Executive日記——警方與課外活動協會舉辦海報創作比賽 學生用畫筆描繪寵物情緣

  養寵物是一生一世嘅事,呢個信息好重要,要由細教導小朋友。Kelly開心見到一個宣傳愛護動物嘅海報比賽,吸引好多中小學學生參加,透過佢哋嘅畫筆同色彩,發自內心對動物嘅愛護,大家上警方嘅fb就睇到。

        為咗宣揚「愛護動物、尊重生命」嘅訊息,警方新界南總區防止罪案辦公室五月起出版《動人時刻》動物報,早前同香港課外活動主任協會合辦海報創作比賽,鼓勵中小學生分享與動物相處嘅生活點滴、趣事和感受,部份得獎作品昨已上載至警方fb。

  呢次海報創作比賽吸引十七所中小學近八十名學生參加,主辦單喺上月中舉行比賽評審會議,選出得獎作品。據悉,由於中小學停課,頒獎典禮會延期,得獎名單有待公佈,香港警察fb昨天公開部份得獎作品,其中一幅作品繪畫小女孩與貓狗、烏龜、白兔及金魚等動物歡度嘅畫面,另有作品畫出與貓咪相處的故事,流露真摯嘅感情。

Kelly Chu


hd