Executive日記——昂坪360夥FILA 活動裝飾物盡其用 聖誕物資贈小學 賦予 「二次生命」

  踏入新一年,係送舊迎新嘅時間,但Kelly呼籲大家唔好忘記環保呀!昂坪360早前舉辦聖誕嘉年華,並以冬日運動為主題,可惜受疫情影響,活動短暫開放便結束。為減省浪費,昂坪360與運動品牌FILA決定將活動物資分別捐贈予兩間小學,賦予它們「二次生命」,物盡其用!

  送贈嘅活動物資包括聖誕樹、聖誕雪人等較大型的裝飾,看起來外觀依然「新簇簇」,再次展出或轉為教學用途就適合不過了!最特別是本來是冰上曲棍球比賽的頭盔裝置,可化身成一個球架,當學生練習旱地冰球時,即可將球打進頭盔網之間的空洞,作為𣈴準之用。

  360義工隊一向熱心參與社區慈善活動,Kelly仲知道今次捐贈活動是由昂坪360董事總經理劉偉明先生( Andy )親自率領公司義工隊協助運送物資,可謂出心又出力!

  捐贈既可令其物資在學校延續其生命,達到善用資源,鼓勵資源重用;同時又幫到學校,畀學生享用「新玩具」,播下「商校合作」嘅種子,Kelly就覺得是次活動是別具意義!

Kelly Chu


hd