Executive日記——《頭條開Live》開咪籲珍惜當下 亨哥自爆三次戰勝死神

  不經不覺,逢周三同周五晚上八點三十分播出嘅《頭條開Live》x《東周網》「亨哥說」,播到去第五、六集,前一集馬時亨大談遇上經濟逆轉時,試過公司架構重組要裁員而無奈地做咗劊子手,今晚一集佢會講人生路上三次同死神擦身而過嘅驚險經歷。

  亨哥喺今晚播出嘅第六集,透露了自己多次走過鬼門關嘅經歷,其實在二○○八及二○一八年,佢面對人生大關卡,早年健康問題源於咳嗽非常嚴重,經檢查後發現是腦部出現狀況,如果血壓太高會有逼爆血管危險,為咗避免太大嘅壓力才離開了政府嘅工作。

  至於二○一八年,當時他正在澳洲過聖誕節,突然身體不適,呢次反而是血壓下降得太厲害,醫生要立刻為他打抗生素,檢查後發現原來患上白血病,更要當晚動手術,那次經歷實在令他感到人生無常。到最近期,就係去年患上肺炎,住咗一個星期醫院,醫生向他坦言如果之後服了抗生素仍不好轉就要動手術,讓佢擔心不已,呢幾次健康問題亦令亨哥覺得更加要珍惜當下。想知第五、六集嘅精采內容,Click落QR code入去重溫啦!

Kelly Chu


hd