Executive日記——「蝦碌」網民寫信打漏字網上求救 郵差叔叔熱心援手抵讚

  不時有好人好事的故事發生,但如發生在自己身上,真係好有幸福感。Kelly睇到網民喺facebook一個群組求救,話寫信寫漏字,驚對方收唔到信。點知真係咁機緣巧合,群組內竟有一名熱心郵差伸出援手,幫佢將信件派回事主的地址。

  呢位網民喺FB一個大埔區嘅群組內,分享自己「蝦碌事」,指自己網上購物時,不慎向賣家「打漏咗粒字」,擔心因地址有誤而未能收到信件,於是喺呢個群組求助:「我想問下去郵局有無可能拎得返?」

  點知群組內竟有一名熱心郵差,睇到呢個求助後,主動聯絡事主提供協助,將信件派回事主地址。呢位網民興奮地喺facebook發文,話已經收到信件,仲形容對事件感到「超神奇」,「初初搬入大埔就感受到大埔人好有愛」。Kelly都覺得真係人間有情。其他網民看後都紛紛表示「好有愛」,大讚呢位郵差「盡忠職守」,更建議事主「表揚下佢」,寫評語畀佢部門知。但又有網民分享「慘痛經歷」,「你就好啦,我唔見幾次信!」

Kelly Chu


hd