Executive日記——昂坪360x願望成真基金新春呈獻 「Make A Wish!童夢成真」利是封 100%童創手繪 為病童達成新年願望

  政府呼籲市民過一個平靜嘅農曆新年,小朋友最唔啱聽,因為唔去拜年就少咗逗利是機會!講起利是,近日Kelly收到朋友送來好多款式,但最有意思係嘅,係由昂坪360同慈善機構願望成真基金(Make-A-Wish Hong Kong)舉辦嘅利是封設計比賽得獎作品。呢項比賽吸引咗近一千五百名幼稚園同小學生參與,仲籌得善款將幫助患有重病嘅兒童實現新年願望,為病童人生帶來最真摯嘅祝福、力量及快樂,意義非凡。

  昂坪360請來本地著名插畫師Helen Tam同其原創角色菠蘿油妹妹為利是封畫龍點睛,以各組冠軍嘅手繪設計為藍本,配搭可愛嘅畫風同精緻嘅卡通插圖,印製成「Make A Wish!童夢成真」利是封,將小朋友嘅童創手繪100%呈現大眾眼前,每一筆、每一劃都注滿着孩子純真嘅祝福。三款冠軍手繪作品連同菠蘿油妹妹別注版(合共四款)利是封將送給願望成真基金受惠者、得獎參賽者及其學校,並透過昂坪360 facebook專頁發送給市民。呢款利是封咁有心,Kelly最Like。

Kelly Chu


hd