Executive日記——擷取資訊類型一目了然 Signal唔攞用戶數據保私隱

  現實世界同虛擬世界都掀起「移民潮」,後者係指通訊軟件,多人怕自己嘅私隱被洩露,所以近日一窩蜂棄用WhatsApp,轉去用Signal。其實Kelly早幾個月一早轉咗用Signal啦,上個星期仲喺本欄分析過不同通訊平台嘅私隱保障,好多朋友都想知多啲,咁小妹就化繁為簡,製作一個圖表等大家一目了然。

  由於近日各個地區嘅用戶都一同轉用Signal,由上周五晚起,陸續有用戶報告無法發送訊息,Signal解釋係由於用戶嘅使用量大幅增加,昨天已經恢復服務,但用戶可能會發現對話內容出現錯誤,或未能收到部份訊息,強調不會影響安全性,會喺下一次更新程式時修復錯誤。現時用戶亦可以按動對話中的「重設」按鈕處理。

  咁多人轉用Signal,究竟佢有幾安全,在於佢只收集用戶手機號碼呢個私隱,其他就唔搜集,唔似其他通訊軟件,猛咁攞用戶活動嘅資料,令用戶擔心數據被濫用或監控用途。據資訊界分析,攞用戶資料較多嘅通訊軟件,包括WeChat、Line同WhatsApp。

Kelly Chu


hd