Executive日記——港機場率先採用無人駕駛拖車

  疫情下,載人空運似乎停頓,只有貨運,但香港國際機場依然致力改善服務,新設無人駕駛嘅拖車,係全球第一輛喺機場實際環境操作嘅無人駕駛拖車,佢穿梭機場海天客運碼頭同一號客運大樓行李處理大堂,為飛機轉搭快船或快船轉搭飛機嘅旅客運送行李。

  機管局話,用咗超過一年半時間喺機場測試無人駕駛拖車運作,證實運作可靠,亦較傳統以人手駕駛拖車更安全及暢順。唔少交通意外都係因拖車司機長期工作、疲累,仲有環境狀況,例如大雨、大霧,都會產生意外。所以從用人、減少意外、提升效率等方面考慮,用無人駕駛拖車係大勢所趨。

Kelly Chu


hd