Executive日記——皇都浮雕創作者 珍稀國畫拍賣

  近年最令人矚目的保育新聞,首推北角皇都戲院將由私人機構保存同活化,令人好期待呢個香港絕無僅有嘅建築群重生大計。講起皇都,佢前門嘅巨型雕塑《蟬戲董卓》,彌足珍貴,雕塑原創者梅與天,外人對佢知之不詳,佢嘅作品好珍罕,但由佢繪畫嘅一幅為國畫《鍾馗》即將推出拍賣,成為收藏界嘅熱門話題。

  據熟知梅與天嘅人話,梅氏係廣東順德人,中西畫皆精,並擅長雕塑,曾在廣州教授美術,後旅居香港,桃李遍港粵,晚年移居檀香山。梅與天作品一向少見於市場,但港普藝拍賣將於本周末(一月二十三日)舉行拍賣會,從一位本地收藏家手中徵得一批「木蘭花館舊藏」,當中一幅係梅與天所畫《鍾馗》,畫風獨特,被視為珍罕難得。曾幾何時,好多藝術家喺香港,或旅居或暫避或中轉,或多或少留下雪泥鴻爪,讓後人緬懷追憶,梅與天正是箇中典型。

Kelly Chu


hd