Executive日記——太古承諾延長贊助港樂三年

  疫情下,各行各業經營困難,連大企業嘅業績也受影響,但Kelly好開心收到太古集團朋友通知,話佢哋未來三年繼續贊助香港管弦樂團,合共四千六百四十萬元,係呢隊舉世知名樂團有史以來最大嘅企業贊助。原來,太古由○六年起就成為港樂嘅首席贊助,一直支持港樂實踐其使命,包括喺藝術水平上精益求精、將古典音樂推廣到不同角落、積極推動文化參與同鞏固香港嘅國際大都會美譽。

  太古公共事務總經理張嘉欣話,雖然經濟環境儼峻,但太古立足香港已經十百五十年,一直抱持長遠目光發展,儘管疫情下經濟情況充滿挑戰,但短期嘅挑戰唔會影響佢哋對港樂同香港藝術文化發展嘅長遠承諾。太古主席施銘倫話:「過去十五年間,港樂培育了不少傑出的年輕音樂家,並把古典音樂帶進了香港人的心中……希望喺目前呢個充滿挑戰嘅時刻,把音樂轉化成正能量帶給香港。」Kelly要對太古同港樂高喊一聲︰「Bravo!」

Kelly Chu


hd