Executive日記——拜登就職禮矚目焦點 黑人女詩人誦詩傳遞希望

  美國總統就職禮,全球矚目,但Kelly焦點唔係拜登發言時嘅豪言狀語,而係表演嘉賓,兩位天后Lady Gaga同珍妮花洛庇絲嘅歌聲都好聽,估唔到最精采嘅一幕,係由年僅二十二歲黑人女詩人阿曼達‧戈爾曼(Amanda Gorman)朗誦嘅一篇詩作,佢向美國同全世界發出清晰的訊息:「即使我們感到悲傷,我們仍然成長。」朗讀感情真摯,又好有意義。

  戈爾曼朗誦嘅詩,部份句子取材自聖經經文,亦取材自經典音樂劇《漢密爾頓》(Hamiliton)嘅對白,也從已故總統約翰‧甘迺迪同已故黑人民權領袖馬丁路德金生前嘅經典演說中取得靈感。佢首先問:「我們可以從哪裏找到光/在這個永無止境的陰影?」接着,佢便朗讀她創作嘅詩《我們攀登的山》(The Hill We Climb),用自己的生命故事提供答案,「我們仍未感覺到已為成為繼承人作好準備,如此恐怖的時刻。但我們在當中找到力量,撰寫新的一章,為我們帶來希望和歡笑。」

  由一九六一年約翰‧甘迺迪就職禮起,每一屆總統就職禮都邀請一位詩人朗誦詩篇,成為一項傳統,而戈爾曼是歷來肩負這項重任的最年輕詩人。戈爾曼喺美國出生和長大,同家人住喺洛杉磯。佢希望藉著這首詩帶來希望的訊息,但也不會忘記國家出現嘅不和同分化。

Kelly Chu


hd