Executive日記——贏過億獎金 馬王 「美麗傳承」 退役

  前兩屆香港馬王「美麗傳承」喺上月宣告退役,之後將被安排送往澳洲,喺墨爾本嘅Living Legends牧場頤養天年。香港賽馬會昨日喺沙田馬場馬匹亮相圈舉行特別儀式,歡送「美麗傳承」。Kelly都希望呢匹前馬王,可以安享晚年。

  昨日賽馬舉行之前,馬會為「美麗傳承」舉行歡送儀式,出席者包括馬主郭少明伉儷和郭浩泉,曾夥拍牠贏馬嘅騎師潘頓和梁家俊等。郭浩泉都同傳媒講話唔捨得佢,能夠養得如此好馬,覺得好有福氣,亦希望「美麗」再出良駒。佢仲話當日後疫情受控,佢哋一家人必定飛去澳洲探呢位老朋友。

  「美麗傳承」曾兩度榮膺香港馬王,創紀錄三次獲選最佳一哩馬;在港出賽三十四次,勝出十八場頭馬,贏得總獎金過億港元,係香港歷來累積最多獎金賽駒。「美麗傳承」抵達位於墨爾本嘅Living Legends後,將與多匹已退役香港名駒如「精英大師」等為伴。

Kelly Chu


hd