Executive日記——李嘉誠基金二千萬資助200長者換人工關節

  唔少長者都受膝關節問題困擾,如果要喺公立醫院輪候等做手術,真係有排等。Kelly知道寶血醫院(明愛)獲李嘉誠基金會資助二千萬元,為有膝關節問題嘅病人置換全膝關節,真係病人嘅好消息。

  公立醫院骨科醫生不足,醫管局數據顯示,目前有近三萬人要輪候三至七年不等。唔少患者因膝關節影響,身心痛苦。

  基金會預算資助二千萬元,為大約二百名患者完成手術。寶血醫院(明愛)會為家庭每月總收入少於八萬元,及已在公立醫院輪候相關手術三年以上嘅病人做手術。病人可直接向醫院遞交申請表格,經醫生評估是否適合做手術,按申請人嘅經濟能力決定可獲七成半至全額資助。醫生將用一套人工關節為病人置換全膝關節,呢個人工關節由鈷鉻合金製造,使用期可達二十年。

Kelly Chu


hd