Executive日記——逆市大招聘 請近千人 新世界九筍工 最高月薪十萬

  一場世紀疫情,好多行業冇運行,打工一族也面對失業問題。喺呢個艱難時刻,新世界發展將舉辦大型招聘會,增聘近一千個職位,包括九大「筍工」,好似數碼媒體推廣、口罩推廣研發同皇都戲院保育大使等,個別職位嘅月薪仲高達十萬蚊。Kelly話畀好多朋友知,個個都話好有興趣,料到時會引起撲筍工熱潮。

  新世界發展三月十三日喺鰂魚涌英皇道728號K11 ATELIER King's Road L3舉行一個名為「Create Jobs Ÿ Spark Hope」嘅招聘會。新世界發展執行副主席兼行政總裁鄭志剛話,為咗配合集團各方面嘅長遠發展,會增聘千人,除咗為失業或搵工困難嘅市民帶來希望,更盼望今次招聘會能夠起到帶頭作用,更多企業增聘人手,為香港打支強心針。

  近千個來自新世界發展及旗下逾十家公司的職位,包括新世界物業管理、K11集團及11 SKIES、新創建集團、港怡醫院、香港高爾夫球及網球學院、協盛建築集團、協興建築、惠保(香港)及富通保險等。據小妹了解,招聘會請數碼媒體策略師、市場及品牌推廣專員、工程師、職業安全專員、見習企業家、人力資源專員、物業管理專員、旅遊發展策劃師、護士、謢理員、藥劑師、財富管理顧問及保安員等。

Kelly Chu


hd