Executive日記——網上口水戰 林作vs鍾培生

  網絡口水戰見得多,但噴口水未平息,搞到要「打擂台」就比較少見嘞。Kelly聽聞「工廈大王」鍾江海嘅孫鍾培生,被稱為香港「電競之父」,最近設立YouTube頻道,諗住設立會員制,話以後會用一百萬元饋贈粉絲,呢個講法引起林作反應,佢最近話為保險團隊籌一百萬元去請人,指鍾培生涉抄佢條橋。鍾即時有反應,話公開邀請林作打番場「擂台」,贏咗會幫佢找數,輸咗都會畀三十萬蚊出場費,認真夠豪氣!

  兩人噚日相繼喺社交媒體互相轉載截圖,火藥味好重,但擂台開打時間、地點就未知。雖然林作有朋友建議不如直接舉白旗,袋咗三十萬就算,但林作不甘示弱,貼出一張喺擂台戴住拳套嘅相還擊,話自己一直有練拳,寫明︰「驚都未驚過。」

Kelly Chu


hd