Executive日記——幸運家庭獲贈驚喜禮物 粉絲盛裝打扮撐迪園重開

  政府早前放寬防疫措施,香港迪士尼樂園昨日終於重新開放,唔少市民昨早悉心打扮成迪士尼角色,提早到場等入園。Kelly知道樂園度假區行政總裁莫偉庭昨日除了向員工打氣外,仲向三個幸運家庭送禮,感謝佢哋對樂園支持。

  昨日在開園前已有超過一百名市民等候,有粉絲身穿冰雪奇緣角色服飾入園;亦有市民將女兒裝扮如小公主,興奮之情表露無遺,有粉絲笑言「興奮到瞓唔着」。園方因應防疫規例,要求入園人士先到網上預約,唔少日子預約亦已爆滿。佢哋入場時要掃描「安心出行」二維碼或登記個人資料。

  樂園度假區行政總裁莫偉庭亦特意圍上紅色圍巾,到現場視察,並向到場的遊客打招呼歡迎。Kelly知道佢向三個幸運家庭送上禮物,包括一個曾五十次到訪樂園的家庭;一個本地家庭已期待甚久,希望可再到樂園暢玩,與米奇老鼠合照;亦有一個外籍人士家庭是樂園粉絲,極喜歡樂園的氣氛。莫偉庭一一與他們合照,感謝佢哋支持。

Kelly Chu


hd