Executive日記——與鍾培生爆口水戰 林作疑縮沙出錢了事

  「香港電競之父」鍾培生同林作嘅「打擂台」牙骹戰,Kelly同唔少網民一樣都等睇好戲。鍾培生連番催促林作應戰,但林作昨日凌晨疑似想縮沙,喺fb拍片回應話︰「鍾培生先生,我諗過㗎喇,我俾200萬港紙畀你,你畀我打一鑊」。鍾培生昨午喺網上平台騷出大疊「金牛」回應,要求林作唔好縮要上擂台。

  鍾培生話︰「林作呢度100萬你簽咗就係你嘅,我本身唔識你,你零誠信令我睇唔起你,唔該你唔好再抽我水。」佢仲話「我相信打得成,會係近年來香港人最開心嘅事。」林作作晚又回應話「我出100萬現金過佢同我做場辯論,佢又會唔會夠膽應約?」強調未拒絕,唔排除和對方進一步交涉。Kelly覺得呢場口水戰真係似「鬥晒冷」,愈來愈有趣。

Kelly Chu


hd