Executive日記——香港樂團聯乘李秀恒 古典樂X大自然靚相 上網有得重溫

  Kelly係古典樂迷,好開心見到疫情緩和,實體音樂會好快重來。耐心等候,可以上網重溫一啲精采嘅表演,其中一場係去年底香港樂團紀念貝多芬誕生二百五十周年嘅音樂會,除咗有振奮人心嘅貝多芬樂章,仲配上李秀恆博士嘅美麗大自然風景攝影作品,係一次古典音樂聯乘攝影嘅完美演出。

  由香港中華文化藝術推廣基金贊助嘅《香港樂團•紀念貝多芬二百五十周年誕辰•天空交響曲音樂會》,喺去年十一月中旬疫情緩和期間,一連三晚假香港文化中心音樂廳舉行,由樂團總監梁建楓指揮演奏貝多芬第三、五、六及九交響樂中四個經典的樂章,並聯同歌唱家莫華倫(左圖)、鄺勵齡、黃日珩、連皓忻同香港五大合唱團,演出膾炙人口第九交響樂中嘅歡樂頌。

  Kelly覺得最特別嘅係,全場音樂配上國家地理頻道著名攝影師李秀恆嘅大自然攝影作品,喺高達十米的LCD牆上,以音樂結合相片呈現四大交響樂嘅意境——命運、英雄、田園、歡樂頌,帶來極大嘅視聽震撼。

  大家可以登入香港樂團同Youtube,重溫呢一次咁精采嘅音樂會。

Kelly Chu


hd