Executive日記——投資Zoom 疫情下股價勁升 李嘉誠再次榮登香港首富

  《福布斯》公佈二○二一年香港富豪榜,長和創辦人李嘉誠再次榮登香港首富,總財富達三百五十四億美元。雖然新冠疫情打擊全球經濟,但李超人持股嘅Zoom帶嚟強勁增長,令去年佢嘅財富增長兩成,超人投資創科斬獲唔少,真係神乎奇技!

  雖然疫情下長實集團股價下挫兩成七,但超人投資嘅Zoom逆市大增長,去年整體財富依然增長兩成,達三百五十四億美元。至於前一年排第一嘅恒基地產大股東李兆基,今年就降到第二位,不過財富變動唔大,維持係三百零五億美元。新世界發展主席鄭家純就排第三,財富有二百二十一億美元;第四位係伯恩光學主席楊建文同妻子林惠英,由於智能電話玻璃需求急升,佢哋夫妻嘅財富倍升逾一倍,達一百八十六億美元,相較前一年跳升咗六位。

  另外,銀河娛樂主席呂志和、李錦記主席李文達、九倉大股東吳光正、華人置業創辦人劉鑾雄、新地鄺肖卿,以及阿里巴巴副主席蔡崇信,就分別名列第六至十。福布斯解釋話,雖然香港去年經濟收縮百分之六點一,但股市造好,帶動香港前五十名富豪財富增長百分之七點五,至三千三百一十億美元。

Kelly Chu


hd