Executive日記——帝苑酒店一連兩日開放 廚師即席示範招牌蝴蝶酥

  Staycation方興未艾,去酒店玩係新常態。帝苑酒店將於二月二十八日及三月一日舉辦一連兩日嘅開放日,現場除咗有獨家優惠外,仲有廚師現場示範製作招牌蝴蝶酥及試食。參加費用全免,每位客人仲可獲紀念品一份!為食嘅Kelly已經約定朋友一齊去。

  開放日活動多元化,無論係長期住宿、staycation、婚宴酒席或餐飲有興趣,都啱key。屆時客人到場,有專人帶領參觀同介紹客房、Sky Club泳池、水療及健身設施、各《福布斯》得獎餐廳及宴會廳。至於蝴蝶酥示範共有四場(二月二十八日下午一點半、三點半、五點半;三月一日下午五點半),廚師會喺宴會廳即場示範製作帝苑餅店嘅招牌蝴蝶酥,每位客人更可獲蝴蝶酥一份!(每場只限十五人參加)

  如即場確認預訂二○二二年三月三十一日或之前中式婚宴套餐,每十席婚宴可免費獲贈額外一席。其他現場獨家優惠包括月租計劃額外優惠、私人宴會禮遇$2,000消費額。另有多個staycation優惠由$999起、月租優惠由$11,800起,即可入住時尚舒適的豪華客房。

Kelly Chu


hd