Executive日記——驚蟄「打小人」 拜神婆唔好坐咁埋

  呢個禮拜五就係二十四節氣嘅驚蟄,意即春天來了;習俗上會「打小人」。Kelly聽聞食環等部門都密切留意呢個傳統習俗,要嗰班拜神婆盡量唔好坐得太埋,以免播疫。灣仔區議員麥景星同Kelly講,其實去年初疫情剛爆發時,鵝頸橋已經少咗好多人幫襯「打小人」,今年估計都會少咗好多人嚟,但為防患未然,食環及警方已經同呢班拜神婆保持溝通,提醒唔好坐得太埋,亦要留意唔好太多人排隊,佢哋已經知道要配合要求,畀呢個傳統習俗可以安全進行。

  以前每逢驚蟄,起碼有十幾二十檔拜神婆,好專業咁幫客人「打你個小人頭」;Kelly都希望今年快啲打走疫情呢個瘟神。

Kelly Chu


hd