Executive日記——春遊樂園有bonus 迪士尼花海至啱打卡

        噚日《頭條日報》頭版報道咗石崗軍營內外多棵紅棉樹怒放,挺壯嘅樹枝上撐起一朵朵艷紅大花,好多朋友睇完話好靚,話春天香港嘅郊野繁花盛開,係打卡嘅好時機。喺香港迪士尼樂園工作嘅朋友又傳來多張相片,嘩!花影重重,七彩繽紛,靚得好交關。朋友話,大家去樂園玩,入園前就有多個開花熱點,千祈唔好錯過打卡嘅機會噃。

        香港迪士尼樂園重開,好多朋友無見米奇和美妮一排,都話好掛住佢哋。仲有個新城堡落成之後,樂園因應早前嘅疫情暫停開放,好多人未睇過新城堡嘅美態,所以亦有唔少人專程入園影吓新城堡留念。原來春天入園仲有bonus,就係園內園內都有好多靚花迎接遊人。樂園朋友傳來嘅十幾張花卉相,啲花靚到呢!部份仲係未入園前,就可以喺迪欣湖、迪士尼港鐵站、迪士尼探索家酒店外觀賞得到。入咗園後,又係花海一遍,所以想映美麗嘅花相,一於入園啦。

Kelly Chu

hd