Executive日記——人大開幕離場跌親 董建華:忙打招呼踏空一級

  全國人大會議昨日喺北京開幕,全國政協副主席、前行政長官董建華離場時唔小心跌倒,Kelly喺電視睇到呢幕都嚇一跳。現場好多人見到都心急上前慰問,包括特首林鄭月娥同全國政協副主席梁振英。董建華之後就透過發言人話,離座嗰陣掛住同人打招呼,唔小心「踏空一級」,但強調自己冇受傷,毋須入院檢查,多謝大家關心!

  董建華喺人大會議開幕完結後,企喺主席台上,先等前排其他主席團成員離開,但落梯級嗰陣唔小心跌倒、多人即刻上前慰問,有人出手將佢扶起,好彩董先生冇乜大礙,佢立即示意可以自己行路。梁振英仲更專程喺通道等埋董先生,兩人先握手問候,之後一齊離開。

Kelly Chu


hd