Executive日記——遺作《瀕海交鋒》飾衞國海洋科學家 一代笑匠吳孟達英雄謝幕

  上月尾病逝嘅吳孟達噚日設靈,佢生前最後一套電影《瀕海交鋒》嘅劇照曝光,飾演一名海洋科學家,參與海洋反恐行動,係紀念建國七十周年暨人民海軍成立七十周年嘅作品,預計喺今年國慶檔期公映,達哥飾演衞國英雄,作為佢演藝生涯嘅謝幕之作。

  《瀕海交鋒》去年十月喺內地煙台開拍,舊年平安夜順利煞科,影片講述科學家出身嘅恐怖份子席盯上咗我國嘅可燃冰商業開採技術,派人手下盜取咗我國可燃冰開採技術嘅核心技術成果——N9試劑,咁做會對我國能源安全造成威脅,嚴重損害我國嘅經濟利益,特戰隊員奉命出擊,攔截匪徒,展開連場激戰。

拍攝期間堅持「兩不帶」

  劇組人員透露,達哥參與拍攝時保持「兩不帶」風格:一不帶劇本;二不帶助理,皆因佢一定將劇本背得滾瓜爛熟,當劇組人員盛讚佢時,達哥幽默地回應:「這不是我們演員最基本的修養嗎?」可見達哥係一個百分百嘅專業演員。

  當有人提議年紀不少嘅達哥請番個助手幫輕工作時,達哥好風趣咁話:「現場的每一位工作人員不都是我的助理嗎?」呢部份達哥生前嘅最後一部電影,將會喺影迷心中留下英雄不死嘅形象。

Kelly Chu


hd