Executive日記——海洋公園「CAR年華」 經典老爺車任你打卡

  唔少人對車都有情意結,而古董車嘅外形更吸引到唔少人,海洋公園便出招夥拍香港老爺車會,今明兩日舉行「CAR年華」車展,只需持有入場門票即可免費參加,同擁有逾半世紀歷史嘅古董車合照打卡,Kelly都覺得吸引。

  二十幾架經典老爺車喺海濱樂園不同區域展出,最矚目係一九三四年出產嘅勞斯萊斯Phantom II,出廠超過八十幾年仍然操作如常,Kelly覺得呢架車尊貴外形及性能,體現精湛汽車工藝。廣場將有十五架老爺車列隊,包括多架特色迷你車、古董跑車及越野車等。

  海洋公園管理及演藝節目執行總監吳守堅話首次喺公園舉辦車展,推廣老爺車鑑賞同汽車文化,園方會持續舉辦更多唔同活動吸引市民,畀客人「試新嘢」。

Kelly Chu


hd