Executive日記——掃一掃二維碼 看樹木故仔趣聞

  香港不論喺街道兩旁或係公園,都見到唔同種類樹木。發展局便藉科技展開二維條碼樹木標籤計劃,顯示更多樹木特徵、植物趣聞等,Kelly都覺得呢個設計好方便大家。

  發展局話會分階段推計劃,預計明年初會首先為約二十萬棵行人路旁樹木,展示二維條碼標籤,涉及樹木係位處人流較多地點例如大型交通樞紐。印有二維條碼嘅「樹牌」掛喺樹嘅高度,印有樹木基本資料,包括中英文名、學名等,而「樹牌」可以幫市民如發現有問題樹木,可向當局報告,準確講出樹木位置,亦可利用手機掃描「樹牌」上二維條碼,知道更多有關樹木資料。呢啲資料都幾得意,好似一棵係沙頭角荔枝窩生長嘅秋楓已有逾百年歷史,原來秋楓嘅果實可釀酒,葉更可作為香料煮餸。

Kelly Chu


hd