Executive日記——海洋公園疫下添新成員 港產萌爆川金絲猴BB出世

  海洋公園嘅動物大家庭又添丁,第三隻川金絲猴寶寶出生,仲有二十四隻港產企鵝BB。Kelly關心川金絲猴寶寶嘅名稱,佢係男仔,由於毛髮金黃色,所以被稱為「小黃豆」,好cute。

  大家想見「小黃豆」個萌樣,仲要等一陣,因為園方想佢喺安靜環境下哺乳,同母親增進感情,所以「香港賽馬會四川奇珍館」之川金絲猴展區正局部關閉。

  海洋公園話,「小黃豆」係第三隻喺港出生嘅雄性川金絲猴,佢同媽媽「樂樂」和哥哥「小花生」咁啱都喺一月份出生。由於川金絲猴屬珍稀嘅動物,園方將呢喜訊通知香港漁農自然護理署同四川省林業和草原局,大家一齊高興。

  另一方面,二十四隻小企鵝自去年十一月起相繼破殼而出,當中包括兩隻國王企鵝、一隻南跳岩企鵝同二十一隻巴布亞企鵝。該兩隻國王企鵝在今年二月初出生,而南跳岩企鵝寶寶則在去年聖誕前夕出生,令園方該品種的成員數目增至十四隻。呢班超可愛嘅企鵝BB已準備就緒同粉絲見面,大家好快可以入園探望到佢哋。

Kelly Chu


hd