Executive日記——新世界復修在即 辦代入式歷史體驗 「皇都」好戲未完場 締藝文新地標

  新世界集團購入皇都戲院,展開復修保育大計,喺動工前呈現呢個歷史建築嘅昔日光輝,舉辦《尋找你我他的皇都》活動,讓參加者以代入式嘅體驗,恍如置身五十年代嘅戲院內,感受前身璇宮戲院、「小上海」到皇都戲院連場精采嘅表演同中西猛片。

  《尋找你我他的皇都》由新世界旗下非牟利機構Culture for Tomorrow舉辦,重新演繹幕幕經典場境 ,由四月一日至三十日只要參加Culture for Tomorrow成為會員,就有機會獲邀參加。另外,由四月中起公眾可以透過網上虛擬導賞,睇下皇都昔日嘅華麗傳奇。

  喺呢次活動,大家可以體驗獨一無二的天台「飛拱」,亦可飾演「華麗歌后」、「快樂觀眾」及「大導演」嘅你我他,則從聲、影、畫及現場逾百件首度公開的珍貴舊物。為咗籌備保育皇都戲院,活動將展出當中逾百件收藏,包括戲橋、舊戲票、戲院員工制服、電車站明信片、舊北角鳥瞰圖等。

  新世界發展行政總裁、Culture for Tomorrow創辦人鄭志剛話,希望透過呢次活動,畀大家第一身親歷皇都輝煌傳奇,而復修後的皇都戲院,將會更精采,締造藝術文化嘅全新地標。

Kelly Chu


hd