Executive日記——拍拖上昂坪打卡 睇舊式茶樓大龍鳳

  疫情放緩,好多人趁復活節長假期本地遊,放空一下,Kelly好多朋友話,坐360纜車上昂坪好好玩,原來山上變成一個復活蛋樂園,畀小朋友玩尋蛋遊戲,大人一樣開心,個個喺一對舊式茶樓嘅大龍鳳前打卡,玩吓行中式婚禮。



  昂坪360將市集搖身一變成為尋蛋樂園,Kelly見到好多小朋友戴住可愛兔仔耳頭箍周圍搵復活蛋,都想玩埋一份!

  大人亦都有驚喜,昂坪360搵嚟舊物收藏家、Select 18嘅老闆Mido合作,搵到一位老師傅,以傳統木刻加上彩漆工藝,復刻咗一對大龍鳳,等大家緬懷舊式茶樓嘅大禮堂,夫妻可以拖下手仔再映結婚照,拍緊拖嘅男女仲可以預演行中式婚禮,sweet到爆!

  活動仲與恆香老餅家合作,聯乘「恆香‧百年」展覽館,等大家一齊緬懷舊香港嘅餅食同面貌!展覽館會一直去到六月中,未去嘅情侶,係時候上山拍拖啦。

Kelly Chu


hd