Executive日記——懷舊小食郵票月中推 設計立體令人垂涎欲滴

  Kelly認係為食人,最喜愛掃街,知道香港郵政將以「香港懷舊小食」為題,喺四月二十二日發行一套六枚郵票同郵票小型張,六枚郵票展示魚蛋、糖蔥餅、煎釀三寶、菠蘿油等六款地道小食,諗起都留口水,一定去買個首日封,放喺屋企,日日對住美食都好。而郵票小型張亦介紹多款懷舊小食。

  呢次發行嘅特別郵票分別繪有六款經典嘅地道小食,包括香濃惹味的魚蛋、甜酥可口嘅糖蔥餅、微帶焦香嘅煎釀三寶、冰熱交替嘅菠蘿油、汁鮮色香味俱全嘅滷水串,同埋老少咸宜嘅花生糖。而郵票小型張則展示另外五款讓人回味嘅懷舊小食,有香滑腸粉、滑嫩豆腐花、甜而不膩嘅麥芽糖夾餅、煙韌嘅砵仔糕,同埋蛋香四溢嘅雞蛋仔。

  設計師以簡約寫實嘅畫風配以鮮明亮麗的色彩,喺寸之上塑造出各款令人垂涎欲滴嘅美食。此外,郵票同郵票小型張均採用了壓印技術印刷,令各款本地小食更具立體感,宛在目前,猶如一場視覺盛宴。小妹一定去撲首日封,集郵迷喺郵局見。

Kelly Chu


hd