Executive日記——電影資料館成立20載 選映36部藏品

  Kelly閒時最鍾意睇戲,最近知道康文署香港電影資料館為誌成立二十周年,將會喺四月至十二月推出放映節目「尋.珍.記」,精選三十六部喺一九九二年至二○一二年間搜集回來嘅代表作,同影迷細味銀幕經典。

  每件藏品都得來不易,例如《人海孤鴻》(1960)嘅尋珍之旅好特別,喺尚在籌備嘅階段,資料館派員到英國取經;碰巧當地嘅蘭克沖印公司打算處理一批中文電影嘅菲林,當中包括呢部武打巨星李小龍赴美前所拍嘅最後一部作品。各電影公司亦慷慨捐贈,喺二○一一年,電視廣播有限公司將近千部電影移交畀資料館,當中近六成為新藏品,如《黃飛鴻正傳上集之鞭風滅燭》(1949)及《黃飛鴻傳下集之火燒霸王莊》(1949)。

Kelly Chu


hd