Executive日記——15景點增設AR時鐘 穿梭今昔

  好多網民都鍾意搜羅舊照片,跟今日嘅情景對比一吓,感受滄海桑田嘅轉變。旅遊事務署剛推出咗第二階段嘅「城市景昔」旅遊項目,等大家透過擴增實境(AR)技術,可以穿梭時空,親歷中環、山頂、深水埗、佐敦及油麻地五區嘅昔日同現在,大家又多咗一個虛擬嘅本地遊活動,放假可以散吓心。

  呢個新增嘅「城市景昔」,包括十五個地點,好似中環嘅遮打花園、山頂獅子亭;深水埗嘅六個指定地點包括大埔道(近YHA美荷樓青年旅舍)、青山道(近上李屋花園入口)等;佐敦、油麻地六個指定地點則有窩打老道(近油麻地果欄)、眾坊街(近油麻地報案中心)、廣東道(近戲曲中心)等。市民同旅客只要使用智能手機下載「城市景昔」應用程式,掃瞄安裝嘅上述指定地點旅客指示標誌上嘅「AR時鐘」,就可欣賞由歷史照片或香港青年藝術家畫作整合而成嘅360度歷史全景圖像。應用程式更加有自拍功能,等大家打卡然後喺社交平台同朋友分享。

Kelly Chu


hd