Executive日記——任虐兒案專家證人 何栢良事後「喊咗出嚟」

  五歲女童遭生父同繼母虐待一年,身上多處傷口受細菌感染致敗血病死亡,事件才被揭發,經三年審訊,三男四女陪裁審員裁定生父同繼母謀殺罪成,等候法官稍後宣判,好多人睇到呢單新聞都好傷心,包括Kelly在內,真係心痛,而心痛嘅仲有港人傳染病學專家何栢良醫生,原來喺案中任專家證人,就女童感染畀專業意見,「揭文件同睇相嘅時候,要保持專業,但過後好心痛,事後諗起,仲喊咗出嚟。」佢話,呢宗虐兒案,大家要反思,「我唔明,係幼稚園(老師)應知,可唔可以行多步,而女童長時間被打,佢會呼救,為何鄰居唔知……O依家我哋連鄰居嘅姓名都唔知,又唔打招呼,事件好悲慘。」佢呼籲各界多留意虐兒事件,勿各家自掃門前雪,有需要時施予援手,救兒童一命,防止同類事件再發生。

Kelly Chu


hd