Executive日記——真係咁都得? 錯體iPhone 11 Pro賣2.1萬

  最近網絡流傳一則熱話,講緊一部錯體版嘅iPhone 11 Pro,手機背部嘅蘋果標誌稍微右側兼向上傾斜,竟以超過兩萬港元售出,比起原價高出二點七倍。網友仲話。出現錯體iPhone嘅機會率可能係百萬分之一。有本地手機店負責人同Kelly講,呢個價錢唔太合理,相信只係單一事件。

  根據Twitter用戶「Internal Archive」講,呢部錯體iPhone以二千七百蚊美金(約二萬一千港元)賣出;有外國網站仲話如果係真嘅話,相信係機殼喺生產過程中唔夠準確擺放,導致標誌印錯咗。小妹過問旺角先達廣場手機店負責人劉志剛,佢就話好少發現到咁明顯嘅瑕疵,相信呢部手機係「果粉」喺網上炒賣嘅噱頭之一。

Kelly Chu


hd