Executive日記——西樓角花園拆牆「升高」 變多用途活動休閒空間

  荃灣人口高,但荃灣港鐵站旁邊嘅西樓角花園平日好少人到,原來缺乏接駁嘅行人天橋,當局於是諗計仔改善,五年前開始重建,首先做嘅,就係推倒公園四面嘅高牆!

  建築署建築師盧宜璋話,重建前嘅公園四邊有一幅二點五米高嘅圍牆,佢就將牆拆掉,改為約一米高嘅綠化屏障,令景觀開揚咗。為咗等多啲市民到嚟,署方將半個公園「升高」,興建一個平台花園,連接區內行人天橋,直通港鐵站出入口,除咗方便往返,仲美化一番,喺平台花園下興建一間多用途活動室同一個多用途場地,走進室內,前廳設一個別具特色嘅玻璃倒錐天窗,又靚又引入自然光。團隊仲以中國傳統嘅窯燒青磚作為建築材料,以木條裝飾室內牆壁同屏風,給人自然、柔和、舒適嘅感覺。咁有心思,大家快啲去欣賞同玩一轉。

Kelly Chu


hd