Executive日記——表演一日三節 周六日假期加開 觀塘海濱音樂噴泉今日有得睇

  造價高達五千萬港元、曾被批浪費公帑嘅觀塘海濱音樂噴泉,終於起好,今日啟用,除咗識噴水外,每日嘅表演時段仲會播出多首名曲,其中一首特別由香港管弦樂團演奏,晚間表演又會糅合幻變燈光。



  音樂噴泉位於觀塘海濱花園近巧明街入口,佔地三千七百多平方米,包括音樂噴泉、互動嬉水區以及休憩草地。

三個嬉水區

  噴泉由民政事務總署、建築署以及康樂及文化事務署合作建成,喺第四屆觀塘區議會建議推行嘅社區重點項目計劃,設施將進一步使觀塘海濱花園成為消閒玩樂嘅好去處。

  音樂噴泉同互動嬉水區嘅運作時間,每日上午八點半至下午十點半。三個嬉水區內設有感應裝置,當感應到遊人走近,就會噴出形態各異嘅水柱,讓遊人互動玩樂。

  音樂噴泉逢星期一至五有三節表演時段,分別喺下午一點半、下午七點半同埋下午八點半;星期六、日及公眾假期除咗上述三節表演時段外,亦會於上午十點半及下午九點半進行表演,合共五節表演時段。

  Kelly提提大家,疫情仲未完全受控,市民嬉水同觀賞表演時,要保持適當嘅社交距離呀!

Kelly Chu


hd