Executive日記——塱原生態公園後年落成 修復稻田成候鳥天堂

  塱原自然生態公園嘅興建工程順利,預計喺後年落成,大家仲要等吓先可以去玩,但雀鳥就率先受惠,因為當局將修復一啲稻米田,給禾花雀等候島遷徙中途停留同覓食,塱原已經變成一個候鳥嘅天堂。

  發展局長黃偉綸喺網誌話,上水塱原係香港最大嘅淡水濕地,由土拓署興建嘅塱原自然生態公園,工程進展順利,預計後年完成。

  土拓署工程師周夏露話,公園分三個區域,包括佔地約二十一公頃嘅「生態區」、約十一公頃嘅「農業區」,以及約五公頃嘅「訪客區」。

  「生態區」會透過種植指定農作物,維持塱原嘅生物多樣性,而「農業區」會俾農民以生態友善嘅模式耕作。

  Kelly覺得最有意義嘅,係署方與環保團體同農民去年底將部份旱田同荒廢嘅農地修復成濕地生境,成功種植約十塊稻米田,稻米田係禾花雀同唔少候鳥遷徙途中嘅重要休息站,結果吸引了很多雀鳥,特別係水鳥前來覓食。咁多雀鳥鍾意香港,非常好。

Kelly Chu


hd