Executive日記——自備手巾仔 竟睇到教育之重!

  為人師表,肩負作育英才嘅重責,Kelly對教師好尊重,好開知道今屆「香港傑出準教師選舉」共有一百多名準教師報名,創出新高!佢哋分別來自教育大學、中文大學、香港大學、浸會大學和公開大學等五間大學。評審委員會經面試同即場試教,選出三十位「傑出準教師」金、銀、銅獎同十五位優異獎得主,並舉行頒獎禮(見圖)。

  其中一位「傑出準教師」金獎得主羅子淇,分享佢嘅教學心得,原來學生都可以反過來教曉佢好多事,修讀幼兒教育嘅羅子淇想起喺實習期間一件小事,佢當時提醒學生洗手後用自備嘅手巾抹手,佢自己就慣常用紙巾抹手;一個學生問佢:「羅老師,你嘅手巾呢?係唔係唔記得帶呀?」佢驚覺教育之重在於以身作則,感受到學前教育必定係品德培養嘅黃金期,如能從小推廣環保教育,對小朋友嘅成長乃至整個社會環境都有莫大裨益,因此佢好堅定加入幼兒教育嘅行列。

Kelly Chu


hd