Executive日記——鬧東方昇破壞音樂噴泉 夏蕙BB:我有份出錢興建

  Kelly係夏蕙BB嘅粉絲,昨天見到佢喺社交平台發出「嚴重譴責」聲明,乜事咁嚴重呢?原來夏蕙BB係公開譴責東方昇,不滿佢用咗十幾滴沐浴露,就破壞咗佢有份用$7.14(五千萬除以全港人口)興建嘅觀塘音樂噴泉!夏蕙BB仲好鬼嬲咁話,佢以最兇狠嘅樣貌同姿勢,譴責東方昇所屬嘅網媒咁話!不過,佢語氣一轉,又話︰「……個衰仔又真係好大隻,同埋條生物泳褲又真係好鬼死可愛。」笑死Kelly咩?!

  另外,昨天有朋友行經觀塘,喺街上見到一幅橫額,寫上熱烈恭賀五千萬元公帑音樂噴泉正式啟用,上面印上通過計劃嘅第四屆觀塘區議會議員嘅頭像,見到又覺好笑。

Kelly Chu


hd